જેટ ફ્યુઅલ 90% મોંઘું છતાં Qatar Airwaysનો મોટો નિર્ણય, મુસાફરો પર નહીં નાખે વધારાનો બોજ

પશ્ચિમ એશિયામાં ચાલી રહેલા તણાવ અને વૈશ્વિક ઊર્જા બજારની અનિશ્ચિતતા વચ્ચે જેટ ફ્યુઅલ (Jet fuel)ના ભાવમાં થયેલો મોટો વધારો એરલાઇન્સના ઓપરેટિંગ ખર્ચ પર દબાણ વધારી રહ્યો છે. 28 ફેબ્રુઆરી 2026થી જેટ ફ્યુઅલ લગભગ 90% મોંઘું થયા છતાં Qatar Airwaysએ હાલ ટિકિટના ભાવ વધારવાને બદલે ફ્યુઅલ ઑપ્ટિમાઇઝેશન, ખર્ચ નિયંત્રણ અને વધુ નફાકારક રૂટ્સ પર ક્ષમતા કેન્દ્રિત કરવાની વ્યૂહરચના અપનાવી છે.

વૈશ્વિક ઉડ્ડયન ઉદ્યોગ (Global Aviation Industry) માટે ઈંધણનો ખર્ચ ફરી એક મોટો પડકાર બની રહ્યો છે. Qatar Airways Groupના CEO હમાદ અલી અલ-ખાતેરના જણાવ્યા અનુસાર, 28 ફેબ્રુઆરી 2026થી જેટ ફ્યુઅલના ભાવમાં લગભગ 90 ટકાનો વધારો થયો છે. હાલ જેટ ફ્યુઅલનો ભાવ આશરે $182 પ્રતિ બેરલ હોવાનું તેમણે જણાવ્યું છે. તેમ છતાં, Qatar Airwaysએ અત્યાર સુધી આ વધેલા ખર્ચને ટિકિટના ભાવમાં સીધો ઉમેર્યો નથી.

મુસાફરોને વધારાનો ખર્ચ નહીં

Qatar Airwaysના CEOએ જણાવ્યું કે કંપની હાલમાં ઈંધણના વધેલા ખર્ચને ગ્રાહકો સુધી ટ્રાન્સફર કરી રહી નથી. તેના બદલે એરલાઈન પોતાના સમગ્ર ગ્રુપમાં ફ્યુઅલ ઑપ્ટિમાઇઝેશન અને ઈંધણ કાર્યક્ષમતા વધારવા માટે કામ કરી રહી છે. એટલે કે વધતા ખર્ચની અસર ઘટાડવા માટે કંપની આંતરિક સ્તરે ખર્ચ વ્યવસ્થાપન પર ભાર મૂકી રહી છે.

વધુ નફાકારક રૂટ્સ પર ધ્યાન

વધેલા ઓપરેટિંગ ખર્ચને મેનેજ કરવા માટે Qatar Airways પોતાના રૂટ નેટવર્કની ક્ષમતાનું પણ મૂલ્યાંકન કરી રહી છે. કંપની એવા રૂટ્સ પર વધુ ક્ષમતા કેન્દ્રિત કરી રહી છે જ્યાં નફાકારકતા વધારે છે. બીજી તરફ, ઓછા નફાકારક રૂટ્સને માંગમાં સુધારો થાય ત્યાં સુધી થોડા સમય માટે રોકી શકાય છે અથવા તેમની ક્ષમતા મર્યાદિત કરવામાં આવી શકે છે. કંપનીના જણાવ્યા અનુસાર, આ અભિગમથી તેના એરપોર્ટ સ્લોટ્સ અને લાંબા સમયથી જોડાયેલા ગ્રાહકોને જાળવી રાખવામાં મદદ મળી શકે છે.

મુસાફરો હવે મોડું બુકિંગ કરી રહ્યા છે

ભૌગોલિક રાજકીય પરિસ્થિતિમાં આવેલા ફેરફારોની અસર મુસાફરોના બુકિંગ ટ્રેન્ડ પર પણ જોવા મળી રહી છે. Qatar Airways મુજબ, તેના આશરે 75% મુસાફરો હવે ફ્લાઇટના 60 દિવસની અંદર ટિકિટ બુક કરે છે. એટલે કે અગાઉની સરખામણીએ બુકિંગનો સમયગાળો ટૂંકો થયો છે. જોકે, કંપનીના જણાવ્યા પ્રમાણે મુસાફરીની માંગ હજુ પણ મજબૂત છે.

170થી વધુ ડેસ્ટિનેશન સુધી વિસ્તરણ

મુસાફરોના બુકિંગમાં બદલાવ હોવા છતાં Qatar Airways પોતાના નેટવર્કના વિસ્તરણની યોજના આગળ ધપાવી રહી છે. કંપની ટૂંક સમયમાં 170થી વધુ ડેસ્ટિનેશન સુધી પોતાની સેવાઓનું નેટવર્ક વિસ્તારવાની તૈયારીમાં છે.

ઉડ્ડયન ક્ષેત્ર માટે Fuel સૌથી મોટો ખર્ચ

જેટ ફ્યુઅલના ભાવમાં મોટો વધારો એરલાઈન્સના ઓપરેશનલ ખર્ચ પર સીધી અસર કરે છે. આવી સ્થિતિમાં કંપનીઓ પાસે સામાન્ય રીતે ભાડાંમાં વધારો, રૂટ્સનું પુનર્ગઠન અથવા ખર્ચ ઘટાડવાના વિકલ્પો રહે છે. Qatar Airways હાલમાં ભાડાં વધારવાને બદલે ઈંધણ કાર્યક્ષમતા અને રૂટની નફાકારકતા પર ભાર મૂકી રહી છે. જેટ ફ્યુઅલના ભાવમાં લગભગ 90%નો વધારો થયો છે અને ભાવ આશરે $182 પ્રતિ બેરલ જણાવાયો છે.

આ પણ વાંચો: AIથી 2030માં દુનિયાનો અંત? Nvidia CEOનું મોટું નિવેદન

આ પણ જુઓ:

Watch onYouTube