સાઉદીએ ઓમાન-યુએઈના રસ્તે વૈશ્વિક બજારમાં પુરવઠો ઠાલવતા ક્રૂડ ઓઇલમાં કડાકો

દુબઈઃ સાઉદીએ ઓમાનના રૂટે વૈશ્વિક બજારમાં ક્રૂડ ઓઇલનો પુરવઠો ચાલુ કરી દેતા અને યુએઈએ પણ તેની નેશનલ ઓઇલ કંપની એડનોક દ્વારા પુરવઠો પૂરો પાડવાના વિકલ્પ ઓફર કરતાં વિશ્વસ્તરે ક્રૂડ ઓઇલના ભાવમાં કડાકો બોલ્યો છે. બ્રેન્ટ ક્રૂડ ઓઇલનો પ્રાઇસ 100 કરોડ ડોલરની આસપાસ થઈ ગયો છે અને અને WTI ક્રૂડનો પ્રાઇસનો ભાવ 101 ડોલર થયો છે.

સાઉદી અરેબિયાની ઇસ્ટ-વેસ્ટ પાઇપલાઇન પર આતંકી જૂથોએ હુમલો કરતાં ક્રૂડ ઓઇલના ભાવ ઊચકાયા હતા. આ હુમલાના પગલે સાઉદીએ તાકીદે પુરવઠો બંધ કરવો પડ્યો હતો. તેના લીધે વૈશ્વિક બજારમાં ઠલવાતા રોજના 50 લાખ બેરલના ઓઇલ પુરવઠાને લઈને મોટો સવાલ સર્જાયો હતો. અહીં જ ઓમાનની એન્ટ્રી થઈ હતી.

Watch onYouTube

ઓમાને સાઉદીને તેને ત્યાંથી ઓઇલ પુરવઠો પૂરો પાડવાની સગવડ પૂરી પાડી છે. તેના કારણે સાઉદી દ્વારા વૈશ્વિક બજારમાં ઠાલવવામાં આવતો પૂર્વવત્ થયો છે. બીજી બાજુ યુએઈએ પણ સાઉદીને તેની સરકારી કંપની એડનોક દ્વારા તેનો ઓઇલ પુરવઠો વૈશ્વિક બજારમાં પહોંચાડવા મદદ કરવાની તૈયારી દાખવી છે. આ પુરવઠો પર્સિયન ગલ્ફ અને હોર્મુઝની બહાર આવેલા બંદર ફુજૈરાહ-સોહર રેન્જ દ્વારા પૂરો પાડવામાં આવશે.

સાઉદી અરેબિયાએ પણ જણાવ્યું છે કે પર્સિયન ગલ્ફમાં આવેલા પોર્ટ દ્વારા નિકાસ કરવાની બાંયધરી આપતા નિકાસકારો શાંત થયા હતા. આના પગલે યાન્બૂ બંદર પરથી ઓઇલ પુરવઠાની અછત જુલાઈના 2.1 કરોડ બેરલથી ઘટીને 1.5 કરોડ બેરલ થઈ ગઈ હતી. આની ભારત સહિત એશિયાઈ બજારો પર હકારાત્મક અસર પડી હતી અને તે બધા પોઝિટિવ ઝોનમાં ચાલતા હતા.