Aditya infotechનો શેર બજાર ખૂલતાની પાંચ ટકાની અપર સર્કિટે અથડાયો

Aditya infotech share Price: આદિત્ય ઇન્ફોટેકનો શેર બજાર ખૂલતાની સાથે જ પાંચ ટકાની અપર સર્કિટે અથડાયો છે. કંપની ક્વોલિફાઇડ ઇન્સ્ટિટ્યુશનલ પ્લેસમેન્ટના માર્ગે રૂ.1,500 કરોડ એકત્રિત કરી રહી હોવાથી આ શેરમાં બરોબરની તેજી જોવા મળી રહી છે. કંપનીનો શેર 23મી સપ્ટેમ્બરના રોજ પાંચ ટકાની અપર સર્કિટે રૂ. 3,826ના ભાવે અથડાયો હતો.

એક્સ્ચેન્જના જણાવ્યા મુજબ કંપનીના બોર્ડ ઓફ ડિરેક્ટર્સે 22 સપ્ટેમ્બરના રોજ પ્રતિ શેર રૂ. 3,648ના તળિયાના ભાવે શેર જારી કરવાની મંજૂરી આપી છે. ઇશ્યૂ પ્રાઇસને કંપની તેના લીડ મેનેજરો સાથે સલાહમસલત કરીને નક્કી કરશે, એમ ડિસ્ક્લોઝરમાં ઉમેરવામાં આવ્યું હતું.

કંપની ક્યુઆઇપી પેટે મળનારી રકમનો ઉપયોગ તેનું અને પેટા કંપનીઓનું ઋણ ચૂકવવા કરશે. ICICI સિક્યોરિટીઝ અને IIFL કેપિટલ પ્રસ્તાવિત વ્યવહારની ઇન્વેસ્ટમેન્ટ બેન્ક્સ છે. ઉલ્લેખનીય છે કે, ઓગસ્ટ 2025માં જાહેર બજારમાં પ્રવેશ કરનાર 'આદિત્ય ઇન્ફોટેક'ના શેરના ભાવમાં છેલ્લા છ મહિનામાં 122 ટકાથી વધુનો વધારો થયો છે. 22 સપ્ટેમ્બરના રોજ દિવસના કારોબારના અંતે કંપનીનું માર્કેટ કેપ (બજાર મૂલ્ય) 43,000 કરોડ રૂપિયાથી વધુ હતું.

આ પણ જુઓઃ

Watch onYouTube